Здольны вучань Друйскай сярэдняй школы М. Героеў пасля дзевяці класаў паступіў у Лужаснянскую гімназію для адораных дзяцей, дзе займаўся ў хіміка-біялагічным класе.
Калі надышоў час вызначацца з прафесіяй, юнак падаў дакументы адразу ў дзве вышэйшыя навучальныя ўстановы — у Полацкі ўніверсітэт на спецыяльнасць, звязаную з хімічнымі тэхналогіям,і і Віцебскі медыцынскі ўніверсітэт.
— Пасля разважанняў спыніўся на медыцыне, — патлумачыў свой выбар Міхаіл Сяргеевіч, — бо гэта прафесія дае больш магчымасцей развівацца ўсебакова і прыносіць карысць людзям.
Пачалося складанае і ў той жа час насычанае студэнцкае жыццё. У большасці сваёй студэнты — народ актыўны і, акрамя вучобы, яны знаходзяць для сябе шмат цікавых заняткаў.
Вось і ў Міхаіла на першым курсе з’явілася жаданне навучыцца іграць на гітары. Акрамя музычнага слыху, лёс падарыў Міхаілу і добры голас, таму студэнта прынялі ва ўніверсітэцкую капэлу, дзе навучылі азам акадэмічнай манеры спеваў. Так энергічны юнак, акрамя заняткаў, паспяваў займацца і творчасцю.
Інтэрнатуру будучы ўрач праходзіў у тэрапеўтычным аддзяленні Браслаўскай раённай бальніцы пад кіраўніцтвам вопытных настаўнікаў — Наталлі Грыгорьевай і Ліліі Старадубцавай. Спецыялісты з вялікім стажам, сапраўдныя прафесіяналы, яны ўважліва ставіліся да інтэрна, даходліва тлумачылі незразумелыя пытанні, вучылі працаваць.
І вось з дыпломам урача на руках і шчырымі памкненнямі прыносіць карысць людзям Міхаіл вярнуўся на радзіму. Пачалася самастойная праца, калі ўся адказнасць за пастаноўку дыягназу і назначэнне лячэння лягла на плечы маладога спецыяліста.
М. Героеў ніколькі не расчараваўся ў абранай прафесіі і кожны дзень са светлымі думкамі прыходзіць у кабінет, каб аблегчыць пакуты пацыентаў.
Несумненна вельмі добра, калі работа прыносіць задавальненне. Тым не менш усім нам хочацца прыемна адпачыць пасля працоўнага дня. А, як вядома, лепшы адпачынак — гэта змена дзейнасці. Міхаілу пазбавіцца ад напружанасці і стомленасці дапамагае музыка. І сапраўды, нішто так не супакойвае чалавека, як заняткі творчасцю. Малады чалавек пачаў наведваць гурток салістаў-вакалістаў пад кіраўніцтвам Леаніда Лаўрыновіча ў Ахрэмаўскім ЦНК.
Першы ўдзел у конкурсе «Песні юнацтва нашых бацькоў» у 2011 годзе прынёс Міхаілу
2 месца. Пасля чаго яго запрасілі ў ансамбль «На панадворку». Рэпетыцыі, выступленні, сустрэчы з сябрамі, безумоўна, робяць жыццё разнастайным і цікавым. Як адзначыў мой суразмоўца, толькі гультай можа сказаць, што ў Браславе няма чым заняцца. А перамога на конкурсе гітарнай песні «Я спяваю» дала магчымасць выступіць на рок-фестывалі «Жывое неба Браслава», які плануецца правесці летам. Таму наперадзе яшчэ шмат новых уражанняў і знаёмстваў.
Да таго ж Міхаіл прыхільнік здаровага ладу жыцця і абавязкова знаходзіць час, каб зазірнуць у спартыўную залу.
Але ж на першым месцы ў яго работа. Таму Міхаіл Сяргеевіч увесь час пашырае свае веды і навыкі, цікавіцца спецыяльнай літаратурай, вывучае новыя методыкі лячэння, павышае свой прафесійны ўзровень на спецыялізаваных курсах і канферэнцыях. На дадзеным этапе для ўрача М. Героева галоўная задача — трывала падрыхтавацца да здачы на прафесійную катэгорыю.
Пажадаем Міхаілу поспехаў ў яго нялёгкай прафесіі і будзем спадзявацца, што ён і далей будзе радаваць нас сваімі выступленнямі на сцэне.
Алена Пятушка.
Фота аўтара.
По традиции ежегодно накануне 9 мая в соответствии с указом Президента Беларуси Александра Лукашенко выплачивается…
Может ли хрупкая женщина успешно возглавлять секретную службу и наравне с офицерами-мужчинами достойно, говоря уставным…
На неудовлетворительное состояние отдельных улиц микрорайона Муражи города Браслава местные жители обратили внимание еще в…
По всей Беларуси тезисы Всебелорусского народного собрания продолжают оставаться главной темой для обсуждения. Его делегаты…
В эти дни у Евгения Набеева, режиссера народного театра и театра миниатюр «Покер» Браславского РЦК,…
На прошлой неделе в Браславе прошел День призывника. В его рамках повестки получили 20 юношей,…