Штрыхі з гісторыі дрысвяцкай Петрапаўлаўскай царквы
Гісторыя Дрысвяцкай Петрапаўлаўскай царквы бярэ свой пачатак у далёкім 1907 годзе. Храм быў узведзены на сродкі нямецкіх баронаў, якія да таго ж падарылі прыходу некалькі дзесяцін зямлі. На ёй пабудавалі цагельны завод, і з цэглы, вырабленай тут, узводзілі царкву па праекце вядомага губернскага архітэктара А. Шпакоўскага.
На адкрыцці храма прысутнічала шмат паважаных гасцей, сярод іх быў і вядомы доктар Станіслаў Нарбут.
Гэты помнік архітэктуры пабудаваны ў руска-візантыйскім стылі з пяццю купаламі і прыгожай званіцай.
У гады Вялікай Айчыннай вайны царква была не надта пашкоджана, праўда, усё ж два снарады трапілі ў яе сцены. Пэўны час тут размяшчаўся нямецкі лазарэт.
У 1942 г. забілі свяшчэнніка А. Серпава. А ўжо з 1943 г. у Дрысвятах пачаў служыць Генадзь Латышонак.
Як расказвала пры сустрэчы яго дачка Тамара Пяткевіч (Латышонак), жывая сведка тых далёкіх часоў і да гэтага часу верная прыхаджанка, прыход быў вельмі дружны. На богаслужэнні збіралася шмат вернікаў, асабліва ў святы.
Генадзь Латышонак служыў Богу ў прыходзе 22 гады. Пасля яго смерці храм зачынілі. Тагачасны саўгас “Авангард” памяшканне выкарыстоўваў пад склад. Перыяд перабудовы даў магчымасць вярнуць храм вернікам. Пасля яго аднаўлення першае богаслужэнне ў 1990 г. правёў браслаўскі благачынны Якаў Каляда. Пасля яго было шмат свяшчэннікаў, а цяпер тут служыць настаяцель храма Пакрова в. Богіна іерэй Ігар Чачуковіч. Менавіта з яго прыходам у Дрысвяты жыццё ў царкве зноў ажыло. І пацвярджэнне таму арганізаваная ўрачыстасць, што адбылася ў храме 12 ліпеня, у дзень, калі праваслаўныя вернікі ўшаноўваюць памяць першавярхоўных апосталаў Пятра і Паўла, менавіта ў імя іх была асвечана пры адкрыцці дрысвяцкая царква.
У Петрапаўлаўскай царкве ўпершыню пасля 1966 г. прайшло ўсяночнае дбанне. Айцец Ігар правёў таксама абрад хрышчэння 2 нованароджаных і 2 падлеткаў у адкрытым вадаёме.
А з раніцы 12 ліпеня айцец Ігар асвяціў ваду, а затым адслужыў Боскую літургію.
Радасць свята і ўрачыстасці з праваслаўнымі вернікамі падзяляў у гэты дзень і ксёндз дрысвяцкага Петрапаўлаўскага касцёла Чэслаў. На літургіі прысутнічалі таксама шматлікія госці, у ліку якіх была і настаяцельніца Свята-Панцеляймонаўскага манастыра матушка Людміла, праваслаўныя вернікі суседніх вёсак і нават раёнаў, прадстаўнікі мясцовай улады, арганізацый і прадпрыемстваў.
Тэкст і фота Зінаіды Палулех.
По традиции ежегодно накануне 9 мая в соответствии с указом Президента Беларуси Александра Лукашенко выплачивается…
Может ли хрупкая женщина успешно возглавлять секретную службу и наравне с офицерами-мужчинами достойно, говоря уставным…
На неудовлетворительное состояние отдельных улиц микрорайона Муражи города Браслава местные жители обратили внимание еще в…
По всей Беларуси тезисы Всебелорусского народного собрания продолжают оставаться главной темой для обсуждения. Его делегаты…
В эти дни у Евгения Набеева, режиссера народного театра и театра миниатюр «Покер» Браславского РЦК,…
На прошлой неделе в Браславе прошел День призывника. В его рамках повестки получили 20 юношей,…