Канстытуцыйная рэформа стала галоўнай тэмай сустрэчы намесніка начальніка галоўнага ўпраўлення – начальніка ўпраўлення дзяржаўных спецыяльных культурных мерапрыемстваў Міністэрства культуры Рэспублікі Беларусь Іны Адамовіч з работнікамі культуры Браслаўскага раёна.
Дзелавая размова на актуальную тэму адбылася ў канцэртнай зале дзіцячай школы мастацтваў і з удзелам намесніка старшыні райвыканкама Вольгі Вялічка і начальніка аддзела ідэалагічнай работы, культуры і па справах моладзі Юліі Чагарынай.
Прадстаўнік профільнага міністэрства ў сваім выступленні акцэнтавала ўвагу на важнасці ўдзелу ў рэспубліканскім рэферэндуме па ўнясенні змяненняў і дапаўненняў у Канстытуцыю, нагадала асноўныя артыкулы і папраўкі ў іх.
Таксама Іна Адамовіч давяла вынікі працы сферы культуры Беларусі за 2021 год і падзялілася планамі на бягучы. Падчас сустрэчы ў культработнікаў была магчымасць задаць пытанні адносна дзейнасці ўстаноў. Гэтай магчымасцю браслаўчане актыўна скарысталіся.
Напрыканцы візіту Іна Адамовіч пазнаёмілася з дзейнасцю ўстаноў культуры раёна і іх творчых калектываў. ■