Пры выбары жылля мясцовыя жыхары аддаюць перавагу ўласнаму дому. Такі вывад можна зрабіць, аналізуючы вынікі інтэрнэтапытання, арганізаванага «Браслаўскай звяздой».
Мы папрасілі нашых чытачоў адказаць на простае пытанне: «У якіх умовах, на ваш погляд, лепш жыць у Браславе — у кватэры шматпавярхоўкі ці ва ўласным доме?» У выніку больш за 81 % з амаль 700 рэспандэнтаў выказаліся за другі варыянт. Іншымі словамі, жыллёвыя прыярытэты браслаўчан упэўнена схіляюцца да прыватнага сектара.
На гэтым фоне жыццё ў кватэры абралі крыху больш за 11 % апытаных, не змаглі даць канкрэтнага адказу на пастаўленае пытанне 8 % рэспандэнтаў.
Асабістыя меркаванні браслаўчан на гэты конт можна паглядзець тут.
Тэкст і фота Вячаслава КАЛАДЫНСКАГА.
