У гэтым годзе дружная і актыўная сям’я пажарна-выратавальнага атрада другой гарадской школы папоўнілася навабранцамі.
На ўрачыстай цырымоніі 15 васьмікласнікаў далі клятву з годнасцю несці званне члена атрада МНС. Першы намеснік начальніка РАНС Яўген Высоцкі ўручыў ім адпаведныя пасведчанні і выказаў словы віншавання.
З наказам звярнуўся да вучняў і дырэктар школы Анатоль Невярковіч.
Гумарыстычным музыкальным нумарам павіншавалі «навабранцаў» іх старэйшыя таварышы.
З радасцю і гонарам хлопчыкі і дзяўчынкі паказвалі свае пасведчанні бацькам і блізкім, якія прыйшлі на цырымонію. ■
Алена ПЯТУШКА.
Фота аўтара.
