Добрую традыцыю ўзнавілі выпускнікі дзіцячага сада № 3 г. Браслава і іх бацькі, якія пасадзілі на тэрыторыі дашкольнай установы дрэўцы.
З вялікім задавальненнем хлопчыкі і дзяўчынкі разам з маці і татамі капалі ямкі, прытрымлівалі саджанцы і засыпалі іх зямлёй.
Хутка дзеці пойдуць у школу, а пасаджаныя імі клёнікі вырастуць і доўгія гады будуць радаваць сваім шапаценнем іншых выхаванцаў і педагогаў. ■
Тэкст і фота Алены ПЯТУШКА.
