Назначэнне новага старшыні райвыканкама браслаўчане назвалі галоўнай раённай падзеяй 2018 года.
Да такой высновы можна прыйсці, аналізуючы вынікі апытання, праведзенага «Браслаўскай звяздой». Амаль 55 % з больш чым 430 апытаных чалавек выбралі гэты варыянт адказу на прапанаванае ім пытанне наконт найбольш значнай падзеі мінулага года. Нагадаю, пост кіраўніка Браслаўскага раёна з верасня мінулага года займае Аляксандр Баданін. Ён змяніў раней вызваленага ад пасады Уладзіміра Дранеўскага.
Цікава, што ў тройку лідараў апытання трапілі таксама шосты спартыўна-музычны фестываль Viva Braslav, што зноў сабраў рэкордную колькасць удзельнікаў (27 %), і надвор’е, якое ў 2018-м радавала нас адпаведнасцю кліматычным нормам і сезону (26 %). ■
Вячаслаў КАЛАДЫНСКІ.
