Пачатак красавіка — пара нарыхтоўкі бярозавага соку, традыцыйнага промыслу беларусаў. Каб назапасіць яго самастойна, грамадзянам трэба звярнуцца ў мясцовае лясніцтва. Для фізічных асоб гэтая працэдура бясплатная.
Пад падсочку падбіраюцца дрэвы дыяметрам 20 см і больш. Нарыхтоўка вядзецца спосабамі, якія забяспечваюць захаванасць тэхнічных якасцей драўніны. Сам працэс павінен праходзіць пад наглядам і кантролем работнікаў лясной аховы.
Грамадзяне таксама маюць права весці нарыхтоўку соку з бяроз і клёнаў, што растуць на іх зямельных надзелах.
■ Уладзімір ЯГОРАНКАЎ,
старшы дзяржінспектар міжраённай інспекцыі АЖіРС.
