Самыя лепшыя ёлкі тут. Так лічаць супрацоўнікі туберкулёзнага рэабілітацыйнага цэнтра, якія напярэдадні свят падвялі вынікі конкурсу паміж работнікамі на самую крэатыўную падзелку — навагоднюю ёлку.
Ідэя правесці такі конкурс нарадзілася ў калектыве спантанна, але многія адгукнуліся і зрабілі проста неверагодныя рэчы сваімі рукамі. Выстава налічвала 34 экзэмпляры. Тут былі ялінкі з ватных дыскаў, галінак, паперы, нітак і нават цеста. Сшытыя, звязаныя, спечаныя, яны прадэманстравалі майстравітасць і талент супрацоўнікаў цэнтра. Дарэчы, кожны ўдзельнік стаў перамож- цам ці прызёрам у сваёй намінацыі. Падвядзенне вынікаў завяршылася чаяпіццем, падчас якога пакаштавалі адну з ядомых падзелак. Ёлка аказалася не толькі прыгожай, а і вельмі смачнай.
■ Тэкст і фота Веры БУЛАНАВАЙ