У час летніх канікулаў пры большасці школ раёна працуюць лагеры адпачынку, дзе настаўнікі ўзялі на сябе ролю выхавальнікаў. Лета пакуль цеплынёй не радуе, тым не менш раскладам адпачынку прадугледжваецца і купанне ў адкрытых вадаёмах. А каб у час водных працэдур не здарылася бяды, кожны з адказных за купанне выхавальнікаў павінен прайсці курс навучання і атрымаць пасведчанне матроса-выратавальніка.
Гэтым летам адразу 25 педагогаў наведалі курсы, якія наладзіла раённая арганізацыя Асвод і спецыялісты выратавальнай станцыі. Усе яны паспяхова здалі экзамены па тэорыі і практыцы.
У мінулую сераду нованавучаных выратавальнікаў ва ўрачыстай абстаноўцы павіншаваў начальнік аддзела адукацыі, спорту і турызму Іван Абаровіч, які пажадаў усім, каб не давялося прымяняць атрыманыя веды на практыцы, а начальнік раённай арганізацыі Асвод Віктар Мархель уручыў ім адпаведныя пасведчанні матросаў-выратавальнікаў.
■ Тэкст і фота Аляксандра АЗЕВІЧА
