Браслаўскія школьнікі — у ліку пераможцаў

Акции, конкурсы, выступления В свободное время
IMG_9338
З перамогай павіншаваў дзяўчат начальнік Браслаўскага РАНС Сяргей Сачыўка.

У першы дзень красавіка ў Віцебску адбылася ўрачыстая цырымонія ўзнагароджання пераможцаў і прызёраў абласнога агляду-конкурсу дзіцячай творчасці “Выратавальнікі вачамі дзяцей”. Былі сярод іх і браслаўчане. Творчае ўвасабленне крэатыўных ідэй і выканальніцкі ўзровень работ нашых школьнікаў атрымалі высокую ацэнку.

Так, вучаніца 9 “В” класа першай гарадской школы Злата Касцюкевіч узнагароджана дыпломам трэцяй ступені ў намінацыі “Плакат”. Адзначыла журы і калаж “Каробачка малая — бяда вялікая”, прысвечаны небяспечнаму абыходжанню з запалкамі. Яго аўтары, дзесяцікласніцы гэтай жа ўстановы адукацыі Валерыя Панцялейка і Вікторыя Цярэнцьева, атрымалі спецыяльны прыз і ўдзячнасць Віцебскага абласнога ўпраўлення МНС.

Пажадаем творчым школьніцам далейшых поспехаў!

Жанна Бялько.

Фота аўтара.

 

 

 

 

 

 

 

 

 

Добавить комментарий

Ваш e-mail не будет опубликован. Обязательные поля помечены *