Першыя дні Новага года выдаліся марознымі. Асноўныя небяспекі для чалавека ў такія дні — пераахаладжэнне арганізму і абмаражэнне. Адзін з апошніх трагічных прыкладаў: 3 студзеня ў в. Юнькі Пастаўскага раёна на абочыне дарогі было знойдзена цела мужчыны, 1980 года нараджэння. Медыкі канстатавалі смерць маладога чалавека ад агульнага пераахаладжэння.
Найбольш схільныя да пераахаладжэння і абмаражэнне дзеці і сталыя людзі. Часта ахвярамі холаду становяцца асобы ў стане ап’янення.
Каб пазбегнуць пераахаладжэння і абмаражэння, выратавальнікі рэкамендуюць прытрымлівацца некалькіх простых правілаў:
- не піце спіртнога: алкагольнае ап’яненне выклікае вялікую страту цяпла, выклікаючы пры гэтым ілюзію камфорту. Не курыце на марозе: курэнне памяншае перыферыйную цыркуляцыю крыві, што робіць канечнасці больш уразлівымі;
- носіце свабодную вопратку: гэта спрыяе нармальнай цыркуляцыі крыві. Апранайцеся як «капуста» — паміж пластамі адзення заўсёды ёсць праслойкі паветра, якое выдатна ўтрымлівае цяпло;
- цесны абутак, адсутнасць вусцілкі, сырыя шкарпэткі — аснова для абмаражэння. У боты трэба пакласці цёплыя вусцілкі, а замест баваўняных шкарпэтак надзець ваўняныя — яны ўбіраюць вільгаць;
- не выходзьце на мароз без рукавіц, шапкі і шаліка. Лепшы варыянт — рукавіцы са шчыльнай тканіны з мехам ўнутры. Шчокі і падбародак варта абараніць шалікам. Перад выхадам на вуліцу адкрытыя ўчасткі цела змажце спецыяльным крэмам;
- адпускаючы дзіцяці гуляць у мароз на вуліцы, памятайце, што яму трэба кожныя 15—20 хвілін вяртацца ў цяпло і сагравацца;
- у холад пазбягайце кантакту голай скуры з металам. Не насице на марозе металічных упрыгожванняў (у тым ліку залатых, сярэбраных). Метал астывае значна хутчэй цела і магчыма «прыліпанне» да скуры з болевымі адчуваннямі і халадовымі траўмамі. Кольцы на пальцах да таго ж парушаюць нармальную цыркуляцыю крыві;
- як толькі вы адчулі пераахаладжэнне або замярзанне канечнасцяў, неабходна як мага хутчэй зайсці ў любое цёплае месца — крама, кафэ, пад’езд;
- калі ў вас заглух аўтамабіль удалечыні ад населенага пункта або ў незнаёмай для вас мясцовасці, лепш заставацца ў машыне, выклікаць дапамогу па тэлефоне або чакаць, пакуль па дарозе пройдзе іншы аўтамабіль;
- хавайцеся ад ветру: верагоднасць абмаражэння на ветры значна вышэй;
- не выходзьце на мароз з вільготнымі валасамі пасля душа.
Першая дапамога пры пераахаладжэнні
Першая дапамога — гэта спыненне астуджэння і саграванне, аднаўленне кровазвароту. Пацярпелага трэба даставіць ў бліжэйшае цёплае памяшканне, зняць прамёрзлы абутак, шкарпэткі, пальчаткі. Даць гарачае багатае пітво — напрыклад, цёплы салодкі чай. Можна дадаць абязбольвальнае. Адначасова з правядзеннем мерапрыемстваў першай дапамогі неабходна выклікаць урача для аказання медыцынскай дапамогі.
Вадзім Чакан,
інспектар РАНС.
