Педагогам ёсць чым ганарыцца

Власть и общество

IMG_9418 (Small)Па традыцыі выніковае пасяджэнне савета адукацыі, спорту і турызму райвыканкама, якое адбылося на мінулым тыдні ў гімназіі, праходзіла з удзелам намесніка старшыні райвыканкама Іны Лысенкі і кіраўнікоў устаноў адукацыі раёна.
Начальнік аддзела адукацыі, спорту і турызму райвыканкама Іван Абаровіч прааналізаваў дзейнасць педагагічных калектываў раёна за мінулы каляндарны год, звярнуў увагу на поспехі і недахопы, акрэсліў задачы на бягучы год.
У грунтоўным дакладзе ён распавядаў пра сістэму дашкольнай, агульнай сярэдняй і спецыяльнай адукацыі, выхаваўчую работу, дзіцячыя і маладзёжныя аб’яднанні, педагагічныя кадры, пра таленавітых школьнікаў — пераможцаў прадметных алімпіяд і разнастайных конкурсаў, іх педагогаў, выкананне Дэкрэта Прэзідэнта Рэспублікі Беларусь №18, адзначыў дасягненні лепшых калектываў і настаўнікаў.
Так, па выніках разнастайных абласных конкурсаў метадычных матэрыялаў педагагічныя работнікі ўстаноў адукацыі і аддзел адукацыі, спорту і турызму адзначаны 20 дыпломамі ўпраўлення адукацыі аблвыканкама і 5 дыпломамі Міністэрства адукацыі.
Поспех раёну прынеслі педагогі СШ № 1 імя А. М. Жданава, гімназіі, СШ № 2, яслі-сада № 1 і 2, Урбанскай, Дрысвяцкай, Відзаўскай, Быстрамаўскай, Замошскай, Чэрнеўскай школ, ЦДіМ, Браслаўскай ДСПШ.
Безумоўна, пытанне якасці навучання застаецца прыярытэтным у рабоце ўстаноў адукацыі.
Параўнальны аналіз сярэдняга бала па раёне, вобласці, рэспубліцы, атрыманых на ЦТ, сведчыць, што па такіх прадметах, як беларуская мова, хімія, англійская, нямецкая і французская мовы, гісторыя Беларусі, геаграфія, сярэдні бал раёна вышэй за сярэдні бал па рэспубліцы і па нашай вобласці.
Аднак, адзначыў дакладчык, ёсць прадметы, па якіх вынікі цэнтралізованага тэсціравання не даюць падстаў для самасуцяшэння і педагогам ёсць над чым працаваць.
Засяродзіў увагу Іван Абаровіч на праблеме ўмацавання матэрыяльнай базы ўстановаў адукацыі, зборы другаснай сыравіны, на недахопы ў рабоце з дзецьмі з нядобранадзейных сямей, прапанаваў педагогам больш увагі ўдзяляць прафарыентацыі і патрыятычнаму выхаванню школьнікаў.
Начальнік ІСН РАУС Валянцін Янковіч нагадаў асаблівасці паводзін падлеткаў, якія ўжываюць курыльныя сумесі іх наступствы, папярэдзіў педагогаў, што з надыходам лета распаўсюджванне гэтай атруты ў нашым раёне можа значна павялічыцца, таму дарослыя павінны быць вельмі пільнымі і ўважлівымі да баўлення часу дзяцей.
Намеснік старшыні райвыканкама Іна Лысенка падзякавала настаўнікам за іх нялёгкую, але вельмі патрэбную працу, падкрэсліла поспехі і дасягненні аддзела адукацыі раёна, прапанавала новыя формы дзейнасці і акрэсліла задачы на перспектыву.
Вынікі падведзены, а наперадзе карпатлівая і складаная работа з новымі планамі, задачамі, спадзяваннямі і гарачая экзаменацыйная пара.

Алена Пятушка.
Фота аўтара.

Добавить комментарий

Ваш e-mail не будет опубликован. Обязательные поля помечены *