Гучала музыка ў лесапарку

Актуальное

IMG_3620 (Small)Адышоў у гісторыю чарговы 46-ы міжнародны фестываль “Браслаўскія зарніцы”. У тэрці заключны дзень асноўная дзейства праходзіла ў лесапарку “Леснічоўка”. А сапраўдным упрыгажэннем свята стаў заключны гала-канцэрт.
Перш, чым пляцоўкай завалодалі артысты, на сцэну ўзняліся старшыня райвыканкама Сяргей Шматаў, старшыня раённага Савета дэпутатаў Ніна Пучынская і супрацоўніца Міністэрства культуры Людміла Лебедзь. Яны віталі гасцей фестывалю і браслаўчан, якія прыйшлі паглядзець святочнае дзейства, а таксама ўручылі дыплом і падарунак пераможніцы конкурсу дзіцячых калясак Вользе Кароткінай.
Што датычыць самога канцэрта, то лічу, няўдзячная гэта работа — пісаць пра выступленні артыстаў, яго лепш было бачыць “жывым”. Скажу, што асабіста для мяне дзве гадзіны, якія ён доўжыўся, праляцелі бы адно імгненне. Думаю, перш за ўсё таму, што праграма была багата насычанай танцавальнымі нумарамі з таленавітымі танцорамі. Усе без выключэня ўспрымаліся гледачамі з вялікім поспехам.
Найбольш жа апладысментаў гучала ў адрас танцавальнага калектыву з Віцебскага каледжа культуры і мастацтва, танцораў з Арменіі, Азербайджана, Польшчы, Венесуэлы і гэта, пэўна, у першую чаргу таму, што да танцаў нашых прыбалтыйскіх суседзяў мы ўжо прызвычаіліся, а вось больш далёкіх гасцей бачым рэдка.
Запамінальным было і выступленне казацкага ансамбля “Станічнікі” з іх каларытнымі песнямі, цудоўнымі галасамі выканаўцаў.
Трэба сказаць, што і гледачоў сёлета на заключным канцэрце было значна больш, чым у папярэднія гады. Думаю, усе яны не пашкадавалі, што прыйшлі на гэтае ўрачыстае мерапрыемства.
Пасля заканчэння канцэрта Сяргей Шматаў ўзнагародзіў калектывы дыпломамі і памятнымі падарункамі. Дарэчы, сам старшыня райвыканкама атрымаў узнагароду ад казацкіх фарміраванняў Расіі за уклад у патрыятычнае выхаванне моладзі.

Тэкст і фота Аляксандр Азевіч.

Добавить комментарий

Ваш e-mail не будет опубликован. Обязательные поля помечены *