Усё больш людзей гатовы ўкладаць сродкі ў развіццё турызму на Браслаўшчыне. Вось і прадпрымальнік Андрэй Несцяронак з Мінска выбраў для будаўніцтва турыстычнага комплексу маляўнічае месца на беразе возера Струста.
Ужо праведзена вялікая падрыхтоўчая работа, распрацаваны праекты, распачата будаўніцтва першай чаргі комплексу (на здымку). Плануецца, што на турбазе адпачываць адначасова змогуць да 20 чалавек. Приезжайте отдохнуть на Браславские озераПрымаць першых турыстаў запланавана на наступны год. Калі комплекс будзе карыстацца попытам, то плануецца на яго тэрыторыі пабудаваць грамадскае кафэ. Акрамя таго, калі будзе яшчэ выдзелена зямля ў арэнду, то турыстычны праект будзе пашырацца.
Трэба дадаць, што над узвядзеннем домікаў працуюць мясцовыя будаўнікі, а гэта дадатковыя працоўныя месцы для браслаўчан.
Такім чынам, справа ідзе, інвестар настроены аптымістычна, а гэта значыць, што яшчэ адным турыстычным аб’ектам на Браслаўшчыне стане больш.
Алена Набеева.
