На палях раёна не сціхае жніўны прыпар. Праўда, з-за дажджоў тэмпы работ запаволіліся, аднак хлебаробы выкарыстоўваюць кожную пагодную хвіліну, каб не даць зерню абсыпацца.
У сераду святкаваць дажынкі збіраліся камбайнеры аграсэрвіса, але дождж зблытаў іх планы. На раніцу чацвярга там заставаліся не зжатымі 50 гектараў збажыны. Думаю, пакуль газета дойдзе на нашых чытачоў, дажынкі ў аграсэрвісе ўжо адбудуцца. Усяго ж з 22051 гектара збожжавых і зернебабовых абмалочана 15928 га, або 72,2%. Валавы збор складае 37761 т пры ўраджайнасці 23,7 ц з га (усе даныя на 11 жніўня). Трэба адзначыць, што сёлетні намалот перавышае леташні ўжо больш як на 10 тысяч тон. |