У рэдакцыю даволі часта звяртаюцца людзі з просьбай патлумачыць пэўныя нормы працоўнага заканадаўства. Пытанні, якія задаваліся найбольш часта, газета адрасавала начальніку ўпраўлення па працы, занятасці і сацыяльнай абароне райвыканкама Л. Цяцеры. Людміла Аляксандраўна, мяркуючы па тэлефонных званках, у раёне ёсць арганізаУзнайте все про Отдых в Браславе на нашем сайтецыі, дзе работнікам не выдаюць разліковыя лісткі. Што гаворыць наконт гэтага закон?
— Наймальнік абавязаны кожны месяц пры вы-плаце заработнай платы выдаваць работніку разліковы лісток. Гэты парадак прадугледжаны артыкулам 80 Працоўнага кодэкса РБ. Форма лістка зацвяр-джаецца наймальнікам. Але ў ім абавязкова ўказваюцца састаўныя часткі заработнай платы, памер утрыманняў, сума да вы-платы. Як аплачваецца звышурочная работа? — Звышурочнай лічыцца работа, якая выконваецца па прапанове, распараджэнні ці з ведама наймальніка звыш устаноўленай графікам работ або правіламі ўнутранага распарадку працягласці рабочага дня. Згодна з артыкулам 69 ПК, кожная гадзіна работы ў звышнарматыўны час аплачваецца работнікам са здзельнай аплатай працы не ніжэй за двайныя здзельныя расцэнкі, з пагадзіннай, на акладах – не ніжэй за двайныя гадзінныя тарыфныя стаўкі (аклады). Пры дамоўленасці паміж работнікам і наймальнікам звышурочная работа можа быць кампенсавана днём адпачынку, які аплачваецца ў адзінарным памеры. Чытачы газеты нярэдка задаюць пытанне па парадку выдачы камандзіровачных. У асноўным людзей цікавіць, які тэрмін устаноўлены для іх выплаты. — Работніку, якога адпраўляюць у службовую камандзіроўку, грашовы аванс у межах сум, неабходных для аплаты праезду ў абодва канцы, расходаў па найму жылля і сутачных, павінен выдавацца не пазней чым за дзень да ад’езду. Калі грошы выдаюць наяўнымі, то за іх расход работнік абавязаны не пазней чым праз тры дні, а пры выкарыстанні пластыкавай карткі не пазней 15 рабочых дзён пасля вяртання з камандзіроўкі здаць у бухгалтэрыю справаздачу. Такі парадак устаноўлены артыкулам 95 ПК і Інструкцыяй аб парадку і памерах кампенсацыі расходаў пры службовых камандзіроўках у межах РБ. Чалавек падае заяву з просьбай аб звальненні. Калі яго павінны разлічыць і выдаць працоўную кніжку? — Усе выплаты, якія належаць работніку, а гэта заработная плата, грашовая кампенсацыя за нявыкарыстаны водпуск, нявы-плачаныя камандзіровачныя, дадатковыя выплаты, якія прадугледжаны калектыўным дагаворам, — адным словам, усе запазычанасці наймальніка перад работнікам павінны быць зроблены ў апошні дзень работы. Калі чалавек у гэты дзень не працуе, то сума разліку павінна быць вы-плачана не пазней наступнага дня. У дзень звальнення выдаецца і працоўная кніжка. Затрымка з яе выдачай і грашовы разлікам – грубае парушэнне працоўнага заканадаўства. У такой сітуацыі работнік мае права спагнаць з наймальніка праз суд сярэдні заработак за кожны дзень затрымкі. Гутарыла Т. Пашкевіч. |